طريقة اللعب اللّعيبة السويرتي

الهدف هو تجمع أكبر عدد من النقط، وأول لاعب يوصل إلى 150 نقطة (أو أكثر حسب ما تتفقوا عليه) هو الفائز.

الكارتات فيهم رموز وأرقام 

كل  كارت معاودة على  حسب الرقم اللي فيها 

- كيفاش كتلعب؟ 

كتبدا الجولة, وكيتفرقو ليكارت على كل لاعب، وكيبدا الحساب ديال النقط وكل لاعب من مور تفريقة الأولى كيجيه الدور ديالو وهو عندو الإختيار, يا إما يسحب كارط جديدة 

أو يوقف ويحافظ على النقاط اللي جمع فهاد الجولة.

- فين كاينة المغامرة؟

إذا سحبت رقم عندك من قبل، كتخسر الجولة كاملة، وما كتحسب ليك حتى نقطة.

مثال:

سحبت:

2/5/9

دابا خاصك تختار:

توقف وتسجل 16 نقطة.

أو تغامر وتسحب كارت أخرى.

إذا خرجات ليك مثلا لكارط لي فيها 7 ديال النقط :

7- تولي عندك 23 نقطة وتقدر توقف أو تكمل.

5- نفس الرقم اللي عندك، كتخسر الجولة كاملة وكتسجل 0 نقطة.

- كيفاش كتربح Bonus؟

إذا قدرت تجمع 10 كارتات  مختلفة بلا حتى رقم يتكرر:

كتربح الجولة مباشرة، وكتاخذ مجموع النقاط ديال هاد البطاقات .

من غير كارتات ديال النقط كينين:

-الكروت الخاصة:

كاينين كروت ما فيهمش أرقام، وكيبدلو مجرى اللعبة، بحال:

(كارت جمد): كتخلي لاعب يوقف مباشرة ويحسب النقاط اللي عندو و مكيكملش الجولة .

(كارت هرف): اللي كتخليك تاخذ لأي لعاب معك وحدة من الكارتات ديالو .

(كارت البركة): إذا خرج ليك رقم مكرر، كتستعمل هاد البطاقة باش ما تخسرش الجولة.

(كارت الهوتة): تاتخليك تضرب مجموع النقط اللي عندك ف 2

مثال على جولة كاملة:

أحمد بدا الجولة:

سحب 4 

سحب 8 

سحب 10 

المجموع دابا = 22 نقطة.

قرر يغامر مرة أخرى.

سحب 8 

بما أن الرقم 8 تكرر، خسر الجولة كاملة، وما ربح حتى نقطة.

لو كان توقف قبل السحب الأخير، كان غادي يسجل 22 نقطة.

هذه هي الفكرة الأساسية ديال اللعبة  كل مرة خاصك تقرر واش توقف وتحافظ على النقاط، أو تغامر وتسحب كارتة أخرى على أمل تزيد النقاط،

 مع احتمال تخسر كل شيء إذا تكرر رقم عندك. وهذا هو اللي كيخلي اللعبة ممتعة ومليئة بالتشويق.